Policia e Kosovës ka identifikuar dy automjete gjatë patrullimit në pikën kufitare në Vërmicë, njëri me targa vendore dhe tjetri me targa të Shqipërisë.
Sipas policisë, automjetet drejtoheshin nga dy persona meshkuj, njëri shtetas i Kosovës dhe tjetri i Shqipërisë.
Gjatë kontrollit të automjetit me targa vendore, policia ka gjetur një shumë prej 26 mijë e 900 frangash zvicerane, njofton policia.
Të dy personat janë shoqëruar në stacionin policor për procedura të mëtejshme.
