Një person ka vdekur dje, derisa po trajtohej në mjekimin intensiv, si pasojë e plagëve të marra në një aksident trafiku që kishte ndodhur më 4 tetor në rrugën “Nëna Terezë”, në Fushë Kosovë.
Në raportin 24-orësh të Policisë, thuhet se viktima ishte duke u trajtuar për lëndimet e pësuara në aksident.
“Me urdhër të prokurorit trupi i pajetë është dërguar në IML për obduksion”, theksohet në raport.
