Ushtria amerikane tha të martën se pesë persona u vranë në një sulm ndaj një anijeje në Paqësorin lindor, i fundit në një seri sulmesh që Uashingtoni thotë se synojnë “narko-terroristët”.
Komanda Jugore e SHBA-së tha në rrjetin social X se “kryeu një sulm kinetik vdekjeprurës kundër një anijeje të shpejtë që po lëvizte përgjatë rrugëve të përcaktuara të kontrabandës së drogës në Paqësorin Lindor”.
Ajo përmendi “informacione të konfirmuara”, duke pretenduar se anija ishte e përfshirë në mënyrë aktive në kontrabandën e drogës, por nuk dha detaje të mëtejshme.
Ata deklarojnë se pesë persona kanë vdekur, duke i përshkruar ata si “narko-terroristë”.Administrata e Presidentit Donald Trump pretendon se anijet që sulmuan që nga shtatori 2025 transportonin narkotikë.
Më shumë se 230 njerëz vdiqën në sulmet amerikane ndaj anijeve të tilla në Karaibe dhe në Paqësorin lindor.
Organizatat Human Rights Watch dhe Amnesty International, si dhe ekspertë të pavarur të Kombeve të Bashkuara, i vlerësuan sulmet si vrasje të paligjshme jashtëgjyqësore, ndërsa Unioni Amerikan për Liritë Civile (ACLU) i quajti pretendimet e administratës Trump për njerëzit që ishin shënjestra e sulmeve “pretendim të pabazuar që përhapin frikë”.
