Moti në Shqipëri me reshje shiu në të gjithë vendin, temperaturat deri në 17 gradë Celsius

Shërbimi Meteorologjik Ushtarak (SHMU) njofton se edhe gjatë ditës së diel moti në vendin tonë do të ndikohet nga kushte atmosferike të paqëndrueshme, me vranësira dhe reshje shiu.

Sipas parashikimit të SHMU-së, temperaturat minimale do të regjistrohen në qarqet Korçë dhe Dibër, me 5 gradë Celsius, ndërsa ato maksimale pritet të arrijnë në 17 gradë Celsius në qarqet Durrës, Tiranë, Sarandë dhe Vlorë.

Moti parashikohet të jetë me vranësira mesatare deri të dendura, të shoqëruara me alternime të herëpashershme kthjellimesh, kryesisht pas orëve të mesditës.

Vranësirat do të shoqërohen me reshje shiu të herëpashershme, me intensitet të ulët, në pjesën më të madhe të territorit. Në intervale të shkurtra kohore dhe lokalisht, reshjet pritet të jenë në formën e shtrëngatave afatshkurtra.

Era do të fryjë me drejtim verilindje-juglindje, me shpejtësi mesatare 5 m/s, ndërsa përgjatë vijës bregdetare dhe në lugina shpejtësia e saj do të arrijë deri në 10 m/s. Në detet Adriatik dhe Jon parashikohet valëzim i forcës 1-2 ballë.