Instituti Hidrometeorologjik i Kosovës ka njoftuar se moti gjatë ditës së sotme do të jetë kryesisht i vranët, me intervale me diell.
Sipas njoftimit të IHMK-së, vranësirat në disa zona të vendit pritet të sjellin edhe shi.
Temperaturat minimale do të lëvizin nga 2 deri në 5 gradë Celsius, ndërsa ato maksimale pritet të arrijnë nga 11 deri në 15 gradë Celsius.
Era do të fryjë nga drejtimi i juglindjes, me shpejtësi prej 1 deri në 4 metra në sekondë.
