Përplasje deklarimesh po ndodhin mes kryetarit të Akademisë së Shkencave dhe Arteve të Kosovës, Mehmet Kraja dhe Seksionit të Shkencave Shoqërore që vepron në kuadër të kësaj akademie.
Kjo e funidt, pas publikimit të dokumentit “Synimet destabilizuese të Serbisë në Kosovë dhe në Ballkanin Perëndimor” nga Mehmet Kraja, kryetar i Akademisë së Shkencave dhe Arteve të Kosovës, ka reaguar ashpër duke u distancuar nga një dokument i tillë, që sipas këtij organi, që është publikuar në faqen e ASHAK-ut.
Ky Seksion sqaron se ai tekst është i kryetarit të ASHAK-ut, Mehmet Kraja dhe se i njëjti nuk ka qenë i autorizuar për publikim.
“Seksioni, që në fillim e ka kundërshtuar publikimin e këtij teksti joshkencor në emër të Akademisë, që shihet nga Procesverbali i mbledhjes së 26 janarit 2022!”, shkruan në reagim.
“Seksioni i Shkencave Shoqërore rikujton se ka kohë që ia ka tërhequr vërejtjen Kryetarit të ASHAKut, Mehmet Kraja, për sjelljet imponuese e arbitrare, e që po e lëndojnë rëndë dinjitetin e institucionit në krye të të cilit është ai.
“Me qasjen e tij jo-akademike dhe veçanërisht me publikimin e këtij dokumenti joshkencor, të hartuar nga vet ai, si drejtues i një institucioni prestigjioz shkencor, artistik dhe kulturor, sjell përçarje me pasoja të rënda për vet Akademinë”, shkruan në komunikatën e dërguar nga email-i zyrtar i ASHAK-ut.
“Për shkak të papërgjegjësisë dhe veprimeve imponuese dhe arbitrare, Seksioni i Shkencave Shoqërore kërkon nga z. Kraja reflektim institucional dhe moral për dëmin e shkaktuar ndaj Akademisë dhe publikut të gjerë”, shkruan në këtë reagim, të nënshkruar nga Gjyljeta Mushkolaj, anëtare korrespodente e ASHAK-ut.
Seksioni i Shkencave Shoqërore deklaro se nëse Kraja nuk reflekton karshi përgjegjësisë institucionale dhe morale, atëherë ky Seksion do të iniciojë veprime tjera statutore.
Ndërkohë, nëorët e sotme të mbrëmjes, ka reaguar vetë kryeakademiku Mehmet Kraja.
Lidhur me deklaratën e Seksionit të Shkencave Shoqërore të ASHAK rreth tekstit të analizës “Synimet destabilizuese të Serbisë në Kosovë dhe në Ballkanin Perëndimor”, ai deklaron
si kryetar i ASHAK-ut, nuk është në pozitë të imponojë, e as nuk ka imponuar asnjë sjellje arbitrare, përveç se ka kërkuar të shtohet aktiviteti i seksionit dhe të vendoset ligjshmëri për mbarëvajtjen e punëve në Akademi.
Lidhur me reagimin rreth analizës “Synimet destabilizuese në Kosovë dhe në Ballkanin Perëndimor”, Kraja deklaron se me datë 17 janar 2022, në mbledhjen e Kryesisë së Akademisë, është diskutuar teksti i analizës dhe, mbështetur në procesverbalin e mbledhjes.
Kraja deklaron se në atë takim, Justina Shiroka-Pula, nënkryetare, e përkrah si iniciativë dhe thotë se ia ka përcjellë kryetarit disa sugjerime.
Ai shkruan se Luan Mulliqi, sekretar shkencor, e mbështet analizën dhe kërkon që ajo të publikohet menjëherë.
“Sabri Hamiti, sekretar i seksionit të Gjuhësisë dhe Letërsisë, analizën e quan politike dhe shprehet i rezervuar për shpërndarjen e saj, Gjylieta Mushkolaj, sekretare e Seksionit të Shkencave Shoqërore, e përkrah iniciativën dhe analizën, duke sugjeruar që ajo të plotësohet me referenca, Fetah Podvorica, sekretar i Seksionit të Shkencave të Natyrës, e përkrah iniciativën dhe analizën, duke sugjeruar që ajo të plotësohet me referenca, Rauf Dhomi, sekretar i Seksionit të Arteve, e mbështet analizën dhe sugjeron që ajo të publikohet menjëherë dhe Mehmet Kraja, kryetar, e mbështet analizën dhe publikimin e saj”, rikujton Kraja detaje nga ajo mbledhje.
Ai shprehet se ndonëse nuk e kishte obligim statutor, me propozimin e kryetarit, Kryesia vendosi që teksti i analizës t’u vihet në dispozicion të gjithë anëtarëve të Akademisë dhe me mesazhin e bashkëlidhur, iu kërkua anëtarëve që për vërejtjet eventuale të shprehen me shkrim në një afat prej 10 ditësh (24 janar 2022).
“Nga të gjithë anëtarët e Akademisë (38 anëtarë), janë përgjigjur me shkrim dy anëtarë: akademik Isa Mustafa dhe anëtari korrespodent Arsim Bajrami”, shkruan Kraja në reagimin e tij.
Ai shprehet se gjatë publikimit në ueb-faqen e Akademisë, për ndonjë arsye teknike, mund të jetë shfaqur edhe versioni im i paredaktuar i tekstit, por së fundi në ueb qëndron teksti i përfundimtar, i autorizuar.
“Në fund, edhe përkundër koncensusit të gjerë mes anëtarëve të Akademisë dhe mbështetjes nga anëtarët e Kryesisë, duke marrë parasysh rrethanat e krijuara, me qëllim të ruajtjes së institucionit, sot kam kërkuar nga shërbimet teknike që të vihet emri im në krye të tekstit analizës në ueb-faqen e Akademisë, që domethënë se unë marr përgjegjësinë për çdo shkronjë të këtij teksti”, deklaroi kryetari i ASHAK-ut, Mehmet Kraja.
