Fotografi i kryetarit të kuvendit, Gerolld Nikoliqi, është arrestuar nën dyshimin për “dhunë në familje”.
Nikoliqi, i cili ishte i angazhuar si fotograf edhe në Lëvizjen Vetëvendosje, është arrestuar pasi sipas policisë, në gjendje të dehur ka sulmuar fizikisht bashkëshorten e tij.
“Është arrestuar i dyshuari mashkull kosovar, pasi që në gjendje të dehur ka ushtruar dhunë ndaj viktimës femër kosovare. Viktima ka pranuar tretman mjekësor. Me vendim të prokurorit, i dyshuari është dërguar në mbajtje”, thuhet në raportin e policisë të datës 22 dhjetor.
Se bëhet fjalë për fotografin e Konjufcës, e ka konfirmuar edhe shefi i stafit të kabinetit të kryetarit të kuvendit, Ilir Kërçeli, i cili shkurtimisht tha “po”.
