Diplomati kroat tregon pse serbët dëshirojnë fitoren e Rusisë në luftën me Ukrainën (VIDEO)

Politikani dhe diplomati kroat, Bozho Kovaceviq , i cili ishte ambasador në Moskë për pesë vjet dhe i njeh shumë mirë rrethanat e atjeshme, beson se pas dëshirës serbe për një fitore ruse, fshihen synimet shumë të rrezikshme për të rivizatuar kufijtë shtetërorë në Ballkan.
Politikanët e Serbisë dhe Republika Srpska dëshirojnë një moment të favorshëm ndërkombëtar për bashkimin e serbëve në një shtet. “Të gjithë serbët në një shtet” ishte tema kryesore e luftërave të përgjakshme të viteve 1990 në Ballkan, të cilat Serbia i humbi, para së gjithash sepse Rusia në atë kohë ishte shumë e dobët, e pafuqishme për të ndihmuar veten dhe veçanërisht “vëllezërit ortodoksë” në Ballkan.
Megjithatë, në rast se Rusia do të dalë si fituese e luftës me Ukrainën, diplomati kroat beson, Rusia do të përmirësonte ndjeshëm pozicionin e saj ndërkombëtar dhe sigurisht do të zgjeronte më tej ndikimin e saj në Ballkan. Kjo do të nxiste edhe më tej liderët serbë që me ndihmën e Rusisë të riaktivizojnë projektin e Serbisë së madhe, që sot quhet “bota serbe”, që është varianti ballkanik i sloganit të Putinit “bota ruse”.
“Natyrisht, bëhet fjalë për faktin se Vuçiq, dhe veçanërisht Dodik, ende mendojnë se Rusia mund ta fitojë luftën në Ukrainë dhe se Serbia dhe Republika Srpska pastaj mund të përfitojnë nga pasojat e një fitoreje të tillë ”, theksoi Kovaçeviq.
“Nëse Rusia fiton në Ukrainë, kjo do të thotë se ndikimi rus në Ballkan mund të rritet dhe se disa nga aspiratat territoriale mund të realizohen, sepse pas ideologjisë së “botës serbe” nuk ka asgjë tjetër veç aspiratave territoriale, d.m.th. njohja e kufijve ekzistues të njohur ndërkombëtarisht, rreziku kryesor për paqen në Evropë buron nga kjo” , pohon Kovaçeviq. Intervistën e plotë me Bozho Kovaçeviqin mund ta ndiqni në bashkëngjitur video./Kosovatimes/