Bullgaria do t’i bashkohet nismës së NATO-s kundër dronëve

Bullgaria pritet t’i bashkohet nismës së NATO-s për t’iu kundërvënë kërcënimeve ajrore në lartësi të ulëta deri më 30 tetor. Këtë e bëri të ditur ministri i mbrojtjes, Dimitër Stojanov, në Kuvendin Popullor, në përgjigje të një pyetjeje lidhur me pjesëmarrjen e vendit në programet e përbashkëta për mbrojtjen kundërajrore dhe kundër dronëve. Sipas tij, Bullgaria nuk është tërhequr nga nisma “Drone Edge”. “Bullgaria nuk është tërhequr nga nisma, por ende nuk është bërë pjesë e saj që nga viti 2025. Ne ndërmorëm hapa për të shqyrtuar se sa do të na kushtonte dhe nëse buxheti ynë mund ta përballonte. Morëm informacion për shumën e kontributit, e cila është 220 mijë euro në vit. Me këtë shumë mund ta përballojmë pjesëmarrjen dhe Bullgaria do të bëhet pjesë e këtij projekti shumë shpejt”, deklaroi ministri.  Sipas tij, Bullgaria ka shprehur gatishmërinë të kontribuojë me 80 milionë euro në këtë nismë, përmes një projekti për blerjen e 20 sistemeve kundër dronëve: 10 të lëvizshme dhe 10 të palëvizshme, në kuadër të mekanizmit SAFE. Pritet që së shpejti të nënshkruhet një memorandum mirëkuptimi me Spanjën për blerjen e përbashkët të këtyre sistemeve.