Interesimi për pronat e paluajtshme në vendet bregdetare asnjëherë nuk ka munguar. Në ujërat e detit Adriatik varësisht nga vendet çmimet dallojnë shumë. Ndërkohë që vërehet se ka pasur shumë të interesuar vitet e fundit edhe për plazhet e detit Egje sidomos në zonën e Halkidiki në të cilën shtrihen tri siujdhesa. Nga Agia Mamas që është në mes siujdhesës së parë Kasandra dhe Sithonia, çmimet janë mesatarisht 3.000 euro m2 për shtëpitë luksoze.
Blerja përmes një agjencie
Kushtet për blerjen e pasurive të paluajtshme në Greqi janë të njëjta si për grekët ashtu edhe për të huajt.
Përkatësisht, buzë plazheve, apartamentet fillojnë me rreth 1300 euro për metër katror.
Për shembull, një shtëpi e mobiluar prej 110 metrash katrorë, e ndërtuar në vitin 2005, mund të blihet për 135,000 euro, që del në 1,227 euro për metër katror.
Apartament me pamje nga deti, prej 50 metrash katrorë – për 59 mijë euro.
Çmimi i një shtëpie luksoze, 200 metra nga deti në Halkidiki, është 3060 euro për metër katror.
Leptokaria, Greqi: Shitet Shtëpi e mobiluar 40m nga deti. truall 250 m2; Shtepi 75 m2. Ne katin perdhe – sallon, kuzhine, banjo, 2 dhoma gjumi, veranda e madhe me pamje nga deti, qilar, kuzhine e jashtme, pus. Ne katin e pare ka hyrje me vete për një apartament 1 dhome 25 m2. Kuzhinë, banjo, dhomë gjumi, tarracë. Çmimi: 150.000 euro” , thuhet në një nga reklamat.
Dokumentet
Kur blen pasuri të paluajtshme në Greqi, një qytetar nga rajoni duhet të ketë këto dokumente:
– Pasaportë e vlefshme
– Një vizë e vlefshme greke ose Shengen
– Një dokument që konfirmon adresën e vendbanimit (kartë identiteti ose pasaportë e vendit të banimit)
– Deklaratë e punës, d.m.th një dokument që konfirmon profesionin e klientit (lloji i profesionit nuk kërkohet)
– Kopje e deklaratës tatimore (certifikata e të ardhurave, pasqyra bankare). Ky dokument kërkohet për t’u regjistruar si tatimpagues grek.
Kostot dhe tarifat e shtuara
Blerësi që nënshkruan kontratën e shitjes është i detyruar të paguajë disa shpenzime dhe tarifa shtesë.
Këtu përfshihen: tarifa e avokatit (1,5 për qind për metër katror), tarifa e noterit (gjithashtu rreth 1,5 për qind), taksa e transfertës (rreth 3 për qind), kostot e regjistrimit të kadastrës (rreth 0,5 për qind) dhe tarifa për agjentin (rreth 2 për qind).
Nëse blerësi vendos të bëjë blerjen përmes një agjencie, ai lë një depozitë dhe hap një AFM (numri tatimor), i cili kërkohet për të përfunduar blerjen dhe për të hapur një llogari bankare.
Gjithashtu, në agjenci mbetet një depozitë në masën rreth 10 për qind të vlerës së pronës dhe nëse blerja nuk përfundon për shkak të problemeve me dokumentet, i kthehet blerësit.
Nga ana tjetër, nëse blerësi ndryshon mendje për ndonjë arsye dhe nuk dëshiron të blejë pronën, depozita mbetet.
Pas kësaj, agjencia ndërmerr hapat e ardhshëm në lidhje me dokumentacionin. Ai angazhon gjithashtu një avokat për të kontrolluar korrektësinë dhe vlefshmërinë e të gjitha dokumenteve.
Duke qenë se përmendëm që kontrata është në greqisht, agjencia mund të sigurojë një avokat, përkthyes, llogaritar dhe noter në emër të klientit.
Pas kontrolleve dhe dokumenteve të rregulluara, është e nevojshme që blerësi të nënshkruajë kontratën.
Taksa
Kur bëhet fjalë për taksat, viti i ndërtimit të pronës luan një rol kyç.
Domethënë, mosha e pasurisë së paluajtshme dikton çmimin e tarifës, dhe sa më e re të jetë pasuria e paluajtshme, aq më e lartë është taksa.
Ky ndryshim mund të jetë drastik. Për shembull, për një pronë të ndërtuar në vitin 2009, taksa do të jetë rreth tre për qind, ndërsa për një më të fundit, kjo përqindje do të jetë 24.
Është e rëndësishme të theksohet se taksa vjetore varet nga vendndodhja, numri i kateve, por edhe nga faktorë të tillë si, për shembull, ekzistenca e një ashensori.
Megjithatë, mesatarisht, taksa është ndërmjet pesë dhe shtatë euro për metër katror në vit.
Për regjistrat e pagesave vjetore të taksave, shërbimi i kontabilistit kushton rreth 50 euro.
