Në Fakultetin e Arteve të Universitetit të Prishtinës sot hapet ekspozita ndërkombëtare e fotografisë me titull “Selaniku në fund të shekullit XIX dhe në fillim të shekullit XX: Jeta shoqërore dhe kulturore”.
E organizuar në bashkëpunim me Zyrën Greke në Kosovë, ekspozita prezanton një përzgjedhje fotografish origjinale të shekullit XIX, të cilat dokumentojnë jetën urbane, shoqërore dhe kulturore të Selanikut në një periudhë me rëndësi të veçantë historike. Sipas njoftimit nga Fakulteti i Arteve, materialet e ekspozuara kanë vlerë të lartë historike dhe dokumentare, duke kontribuar në thellimin e studimit të trashëgimisë vizuale dhe në nxitjen e dialogut ndërkulturor. Kjo ekspozitë do të qëndrojë e hapur deri më 3 mars 2026.
