Bashkëshortja e Presidentit të SHBA-së, Donald Trump, Melania Trump, e shoqëruar nga ambasadori i SHBA-së në Kombet e Bashkuara (OKB) Mike Waltz, kryeson takimin e Këshillit të Sigurimit të Kombeve të Bashkuara.Zonja e Parë pozoi për fotografët para një takimi të Këshillit të Sigurimit të Kombeve të Bashkuara në selinë e OKB-së në Nju Jork.
Për herë të parë në histori, zonja e parë e SHBA-së kryeson një seancë të Këshillit të Sigurimit të organizatës botërore gjatë presidencës amerikane të Këshillit.
Sesioni po mbahet me temën “Fëmijët, Teknologjia dhe Arsimi në Konflikt”. Përfaqësuesi i Përhershëm i SHBA-së në OKB, Mike Waltz, gjithashtu do të marrë pjesë në këtë aktivitet.
Sekretari i Përgjithshëm i OKB-së, Antonio Guterres, konfirmoi më parë se do të takohet me Zonjën e Parë të SHBA-së, Melania Trump, dhe takimi ishte menduar të zhvillohej para seancës së Këshillit të Sigurimit.
