Beogradi u godit nga një stuhi e fortë këtë të hënë që i shndërroi rrugët në lumenj vetëm në pak minuta, ndërsa re të errëta, pothuajse të zeza, mbuluan qytetin.Dëshmitarët në terren përshkruajnë se fillimisht filloi një rrebesh i rrëmbyeshëm, i cili shpejt u shndërrua në shi të dendur të shoqëruar me erë, ndërsa disa pjesë të qytetit u mbuluan plotësisht nga një “mur” gri resh.
https://www.instagram.com/reels/DYNASEmoTGX
Trafiku u ngadalësua në disa zona të qytetit dhe automjetet patën vështirësi në lëvizje për shkak të sasisë së madhe të ujit në rrugë. Shoferët, siç shihet në pamjet filmike, u detyruan të ngadalësonin pothuajse deri në ndalesë të plotë.Stuhia goditi disa pjesë të kryeqytetit pothuajse njëkohësisht, dhe reshjet e shkurtra por të dendura të shiut shkaktuan vonesa në trafik dhe kushte të vështira për këmbësorët.
Aktualisht nuk ka informacione për dëme të mëdha materiale apo të lënduar, por situata në qytet është ende duke u monitoruar për shkak të mundësisë së reshjeve të mëtejshme dhe fatkeqësive lokale.
