Ushtruesja e detyrës së Presidentes së Kosovës, Albulena Haxhiu ka dënuar sulmin fizik ndaj Hysni Mehanit nga kryetari i Skënderajt, Sami Lushtaku.
“Dhuna fizike në jetën publike është cenim i drejtpërdrejtë i sigurisë së qytetarëve, i lirisë së veprimit politik dhe i vetë kulturës demokratike. Mandati publik nuk është strehë për arrogancë, as mburojë për forcë fizike ndaj kundërshtarit politik”, ka shkruar ajo në facebook.
Haxhiu i ka uruar Mehanit shërim të shpejtë, ndërkaq u ka bërë thirrje institucioneve për reagim.
“Ftoj organet e rendit dhe institucionet përgjegjëse që të veprojnë menjëherë, me profesionalizëm dhe pa asnjë hezitim, në mënyrë që çdo person i përfshirë, të përballet me drejtësinë dhe të japë përgjegjësi para ligjit”, ka shkruar ajo.
