Policia e Kosovës ka arrestuar pesë persona në Prishtinë nën dyshimin për rrëmbim, keqtrajtim fizik dhe marrje të një veture nga viktima.
Sipas policisë, më 19 maj 2026 janë arrestuar një femër dhe katër burra, të dyshuar se kishin rrëmbyer njëburrë tjetër, të cilin e kishin mbajtur për një kohë në një shtëpi duke e maltretuar fizikisht.
Po ashtu, të dyshuarit dyshohet se viktimës i kanë marrë edhe një veturë.
“Gjatë kontrollit policor është konfiskuar një armë pistoletë me një fishek, si dhe 2 gram substancë narkotike të dyshuar marihuana”, thuhet në njoftim.
Me vendim të prokurorit, katër nga të dyshuarit janë dërguar në mbajtje, ndërsa e dyshuara femër është liruar në procedurë të rregullt.
