Një oficer policie në shtetin qendror amerikan të Arkansasit u mbyt pasi u hodh në një lumë për të shpëtuar të fejuarën e tij , vetëm disa orë pasi i kishte propozuar asaj për martesë, sipas nënës së saj.
Fred Marsh, 24 vjeç, nga Departamenti i Policisë së Rogers, hyri në lumin Elk në Misuri të shtunën për të ndihmuar një grua dhe nuk doli më kurrë në sipërfaqe, sipas Patrullës së Autostradës së Misurit. Nëna e të fejuarës së tij e identifikoi notuesen si vajzën e saj. Marsh u nxor nga uji dhe u shpall i vdekur të dielën pasi i kërkoi të fejuarës së tij, Haley, të martohej me të të shtunën në mëngjes.
“Ata qëndruan bashkë për tre vite të bukura dhe patën një marrëdhënie shumë të bukur e plot dashuri”, tha Cheryl Paget për rrjetin televiziv lokal KHBS. “Edhe pse ai nuk u bë ligjërisht dhëndri im, ai do të jetë përgjithmonë djali im”, shtoi ajo.
Çifti, i cili kishte qenë bashkë prej tre vitesh, po lundronin me kanoe me një çift tjetër në lumin pranë Noelit, Misuri, kur Hailey hyri në ujë dhe filloi të luftonte kundër rrymës duke u përpjekur të kthehej në varkë.
Marsh dhe një oficer policie i Rogers që ishte me ta u hodhën në ujë për ta ndihmuar, tha znj. Padgett. Ata arritën ta çonin në një vend të sigurt, por Marsh u dobësua dhe u rraskapit, u fundos në ujë dhe nuk doli më kurrë në sipërfaqe, sipas Patrullës së Autostradës së Misurit.
“Ai e pa dashurinë e jetës së tij në rrezik dhe do të ndihmonte mikun e tij dhe do të bënte atë që do të bënte një njeri i mirë”, tha znj. Padgett. “Ai dha jetën e tij duke ndihmuar dikë tjetër.”
Burimi: Fox News
