Numri i të vdekurve nga shpërthimi në restorantin Balzi Rossi në sheshin Kudrinskaya në Moskëe eshte rritur në pesë. Sipas burimeve të medias ruse, dy viktima vdiqën në spital dhe më shumë se gjashtë mbeten në gjendje të rëndë.
Komiteti Kombëtar Antiterrorizëm raportoi më parë tre vdekje: një grua e cila, sipas hetuesve, solli me vete një pajisje shpërthyese të bërë në shtëpi, një roje sigurie dhe një nga vizitorët.
Komiteti Hetues ka hapur një çështje penale sipas nenit për terrorizëm. Sipas hetimeve paraprake, pajisja shpërthyese ishte fshehur në një kuti që përmbante atë që supozohej se ishte një dhuratë dhe u shpërthye nga distanca. Hetuesit po shqyrtojnë mundësinë që gruaja që e dorëzoi kutinë mund të mos ketë qenë në dijeni të përmbajtjes së saj.
Objektivi i sulmit nuk është deklaruar zyrtarisht. Megjithatë, disa media ruse dhe kanale Telegram, përfshirë blogerin Anatoly Shariy dhe Cheka-OGPU, spekulojne se objektivi mund të ketë qenë një aktivitet privat që festonte ditëlindjen e Gjeneral Alexander Chaiko, Komandant i Përgjithshëm i Forcave Hapësinore Ruse. Mbishkrimi “Alexander 55” i vënë re në skenën e restorantit citohet si konfirmim indirekt i kësaj teorie.
Cheka-OGPU veren gjithashtu se burri i përshkruar si roja i sigurisë i ndjerë ka shumë të ngjarë të ketë qenë një oficer i FSO-së. Nuk ka konfirmim zyrtar të këtij informacioni.
Veprimet hetimore në vendngjarje kanë përfunduar, dhe kordoni rreth restorantit është hequr.
Pas shpërthimit, restoranti Balzi Rossi deklaroi gatishmërinë e tij për t’u ofruar ndihmë familjeve të viktimave dhe të plagosurve. Menaxhmenti kërkoi gjithashtu falje për një postim në rrjetet sociale të publikuar menjëherë pas incidentit, duke pretenduar se “gjithçka ishte në rregull”. Ky postim u fshi më vonë.
