Javën e kaluar, një tërmet masiv me magnitudë 7.1 goditi Japoninë jugperëndimore dhe pamjet e momenteve dramatike vazhdojnë të dalin në dritë.Njëra prej këtyre vjen nga kamerat e mbikëqyrjes së një spitali në Kumamoto, një qytet në ishullin Kyushu që ende po rikuperohet nga tërmeti, shkruan britanikja The Telegraph.
javascript:false
javascript:false
Një video që është bërë virale tregon mjekët e zënë në një sallë operacioni nga një tërmet. Në videon, të regjistruar më 28 korrik, salla e operacionit fillon të lëkundet dhe objektet “fluturojnë” në të gjithë sallën. Disa përfundojnë në dysheme në kaos, ndërsa të tjerët kapin menjëherë tavolinën dhe mbrojnë pacientin.
Tridhjetë e tetë persona humbën jetën në tërmet, përfshirë një person që vdiq nga goditja nga nxehtësia ndërsa strehohej në një makinë në mot të nxehtë, thanë zyrtarët të hënën. Disa rrugë dhe ndërtesa u dëmtuan rëndë dhe rreth 48,000 familje në Kumamoto mbetën pa energji elektrike. Rreth 10 banorë të një azili pleqsh ishin midis të plagosurve, raportoi më parë transmetuesi publik NHK.
Epiqendra ishte në rajonin Kumamoto në një thellësi prej 10 kilometrash, dhe lëkundje të forta pasuese goditën Kyushu menjëherë pas të parit. I njëjti rajon u godit edhe 10 vjet më parë nga një tërmet i fortë me magnitudë 7.3 të shkallës Rihter.
