Produkti i brendshëm bruto (PBB) nominal i Polonisë arriti në 922.9 miliardë euro, që përbën 4.9 përqind të prodhimit të përgjithshëm ekonomik të 27 anëtarëve të Bashkimit Evropian, sipas të dhënave të reja nga Zyra Statistikore Evropiane (Eurostat).
Kështu, Polonia u pozicionua menjëherë pas Holandës dhe përpara Belgjikës, Suedisë, Irlandës dhe Austrisë. Kjo e bën ekonominë polake më shumë se dyfishin e asaj të Rumanisë, homologut të saj më të afërt rajonal, i cili regjistroi një PBB prej 380.1 miliardë eurosh.
Republika Çeke pasoi me 347.3 miliardë euro dhe Hungaria me 218.8 miliardë euro, duke konfirmuar kështu rolin e Polonisë si një lider ekonomik rajonal.
Gjermania mbeti ekonomia më e madhe e bllokut me një PBB prej 4.47 trilionë eurosh, që përbën 23.8 përqind të prodhimit të përgjithshëm të BE-së. Franca është e dyta me 2.99 miliardë euro, e ndjekur nga Italia me 2.26 miliardë, Spanja me 1.69 miliardë dhe Holanda me 1.17 miliardë euro. PBB-ja totale e Unionit në vitin 2025 arriti në 18.8 miliardë euro.
Parashikimet afatgjata tregojnë një rritje të fortë të vazhdueshme. Sipas një raporti nga Fondi Monetar Ndërkombëtar (FMN) të publikuar më parë këtë vit, Polonia pritet të kalojë Zvicrën për t’u bërë ekonomia e 20-të më e madhe në botë deri në vitin 2028, raportoi Shërbimi Publik Polak (TVP) .
