Dy persona janë arrestuar në Gjilan, pasi dyshohet se pas një mosmarrëveshjeje janë përleshur fizikisht mes vete, duke përdorur edhe mjete të forta pune.
Rasti ka ndodhur më 11 gusht 2026, rreth orës 23:34.
“Njësitet policore kanë kontrolluar shtëpitë dhe objektet përcjellëse të dyshuarve, (nuk raportohet nëse është gjetur ose konfiskuar diçka e dyshuar)”, thuhet në raportin policor.
Me vendim të prokurorit, pas intervistimit, të dyshuarit janë dërguar në mbajtje.
Rasti është iniciuar si “Vrasje në tentativë”.
