Pesë ditë me muzikë, kulinari, verë, valle, argëtim dhe aktivitete për të gjithë familjen i presin banorët dhe vizitorët e qytetit bregdetar të Burgasit. Nga 3 deri më 7 shtator, përpara Qendrës së Ekspozitave “Flora”, në Kopshtin e Detit, do të zhvillohet Festivali, tashmë tradicional, i Peshkut dhe Verës. Hyrja është falas për të gjithë.
Programi nis të enjten më 3 shtator, në orën 18:00, me prezantimin e verërave dhe lojën me publikun “In Vino Veritas”, lojëra për fëmijët më të vegjël dhe një program koncertesh.
Më 4 shtator, ndër artistët që do të performojnë në programin muzikor do të jetë edhe FADIVI MUSIC nga Ukraina.
Një nga pikat kryesore të programit më 5 shtator do të jetë një demonstrim gatimi, i cili do të nisë në orën 17:00. Ai do të prezantohet nga kampioni kombëtar i paelës, Nikollaj Gençev, së bashku me partnerin e tij të ekipit. Të dy do të përfaqësojnë Bullgarinë në Kampionatin Botëror të Paelës, që do të zhvillohet në Valencia më 20 shtator 2026.
Festivali do të përmbyllet më 7 shtator me një koncert të Boney M Experience.
