Trafiku është i dendur në Pikën Kufitare me Turqinë “Kapitan Andreevo”, në hyrje për automjetet e lehta dhe në dalje për automjetet e mallrave, njoftojnë nga Drejtoria e Përgjithshme e Policisë Kufitare. Në kufijtë me Rumaninë, Greqinë, Serbinë dhe Maqedoninë e Veriut, trafiku është normal në të gjitha pikat kufitare.
Tridhjetë e një persona janë plagosur në 19 aksidente të rënda rrugore gjatë 24 orëve të fundit, në të cilat nuk ka viktima, informojnë nga Ministria e Punëve të Brendshme. Në Sofje kanë ndodhur katër aksidente të rënda dhe 21 aksidente të lehta, me katër të plagosur. Që nga fillimi i muajit, në 46 incidente rrugore kanë humbur jetën dy persona, ndërsa 57 të tjerë janë plagosur.
Gjatë 24 orëve të fundit janë shuar 117 zjarre, njoftojnë nga Drejtoria e Përgjithshme e Sigurisë nga Zjarri dhe Mbrojtjes së Popullsisë. Një person është lënduar. Janë regjistruar 28 zjarre me dëme të drejtpërdrejta materiale, prej të cilave tetë në ndërtesa banimi. Ekipet zjarrfikëse kanë reaguar ndaj 156 sinjaleve për incidente. Janë kryer 34 operacione shpëtimi dhe ndihmëse, përfshirë katër ndërhyrje në aksidente rrugore.
