Pas seancës së jashtëzakonshme të Kuvendit, Aleanca ka kërkuar që ligji për Specialen të kalojë sa më shpejt në lexim të dytë në Kuvend.
Shefi i grupit parlamentar të Aleancës, Besnik Tahiri, tha se janë duke e përcjellë me shqetësim situatën brenda dhe jashtë Kuvendit.
“Ishit dëshmitarë se 22 pikat e seancës u miratuan. Pyetja është çka po presim. Çka po pret shumica? Pse nuk e sjell ligjin? Çfarë duhet të ndodhë më shumë se shihni se çfarë po ndodh rreth e rrotull Kuvendit. Kaloi ligji në lexim të parë. Çka po presim? A po presin të ndodhë ndonjë incident më i madh? Aleanca e fton urgjentisht Vetëvendosjen dhe të gjithë deputetët të kthehen në sallë, ta sjellin ligjin në lexim të dytë. A po presim dhunë? Përshkallëzim? Apo çka?:, tha Tahiri.
