Aleanca ka mbajtur konferencë për media, nga ku ka kërkuar që deputetët të mblidhen sa më shpejt dhe ta kalojnë Ligjin për Dhomat e Specializuara.
“Ne jemi në Kuvend, kur kanë mbetur edhe 13 orë deri te mundësia e votimit të Ligjit për Dhomat e Specializuara dhe konstituimit të plotë të institucioneve të vendit. Nga këtu ju bëjmë thirrje kolegëve deputetë: ejani menjëherë ta votojmë Ligjin për Dhomat e Specializuara. Të bashkohemi sot në anën e drejtë të historisë, rreth UÇK-së. Kosova na thërret”, ka deklaruar shefi i deputetëve të AAK-së, Besnik Tahiri.
