Më 6 tetor, në Francë u zhvillua lëshimi i parë provë i raketës balistike strategjike M51.3 nga nëndetësja bërthamore Vigilant në prani të Presidentit Emmanuel Macron. Ministria franceze e Mbrojtjes njoftoi këtë .
Raketa e testuar nuk mbante ngarkesë bërthamore, megjithëse është e aftë ta mbajë një të tillë. Ajo ra në Oqeanin Atlantik të Veriut, disa qindra kilometra larg bregdetit.
Macron postoi një video të lançimit, duke vënë në dukje se e kishte parë atë nga fregata Auvergne. “Shumë pak vende e zotërojnë këtë nivel aftësish”, vërejti Macron. Ai e quajti lançimin “një demonstrim të ri të besueshmërisë së sistemit tonë të parandalimit”. “Për të qenë i lirë, duhet të frymëzosh frikë. Dhe për të frymëzuar frikë, duhet të jesh i fortë”, shkroi Macron .Franca është i vetmi vend i BE-së me arsenal bërthamor. Autoritetet e vendit kanë deklaruar gatishmërinë e tyre për të zgjeruar ombrellën e tyre bërthamore në disa vende të tjera të BE-së. Nëndetëset strategjike formojnë shtyllën kurrizore të forcave bërthamore të Francës.
Raketa e re është një modifikim i raketës balistike strategjike M51 me një rreze veprimi deri në 10,000 kilometra.
