Moti në Shqipëri i paqëndrueshëm , reshje shiu në pjesën më të madhe të vendit

ATSH/ Vendi ynë pritet të përfshihet të dielën nga kushte atmosferike të paqëndrueshme, me alternime kthjellimesh dhe vranësirash mesatare deri të dendura, sipas parashikimit të Shërbimit Meteorologjik Ushtarak.

Vranësirat do të shoqërohen me reshje shiu me intensitet të ulët në pjesën më të madhe të territorit.

Ndërkohë, në zonat malore reshjet pritet të marrin formën e shtrëngatave afatshkurtra, të cilat herë pas here do të shoqërohen me shkarkesa elektrike.

Era do të fryjë nga drejtimi verilindje-juglindje, me shpejtësi mesatare 5 m/s. Përgjatë vijës bregdetare dhe në zonat luginore, shpejtësia e saj pritet të arrijë deri në 10 m/s.

Në detet Adriatik e Jon parashikohet valëzim i forcës 1-2 ballë.