Bartësi i listës “Serbia e Bashkuar”, Aleksandar Vuçiç, bisedoi sot në telefon me kryeministrin e Izraelit, Benjamin Netanyahu, dhe me atë rast shprehu gatishmërinë e tij për të vazhduar të kontribuojë personalisht në forcimin e bashkëpunimit dypalësh midis Serbisë dhe Izraelit.
“Në një bisedë telefonike miqësore, Kryeministri Benjamin Netanyahu më falënderoi për shumë vite bashkëpunimi të suksesshëm dhe një kontribut të rëndësishëm në zhvillimin e marrëdhënieve midis Serbisë dhe Izraelit. Ai shprehu shpresën se do të kemi ende mundësinë të vazhdojmë të zhvillojmë marrëdhëniet e partneritetit të vendeve tona. Si shenjë miqësie, ai më ftoi ta vizitoj në Izrael”, tha Vuçiç në Instagram “avucic”.
