Wednesday, November 18, 2026
HomeLajmeKosovëKosova ndër pesë vendet e para në Evropë për ligj dhe rend,...

Kosova ndër pesë vendet e para në Evropë për ligj dhe rend, sipas Gallup-it

Kosova renditet ndër pesë vendet me rezultatin më të lartë në Evropë në Indeksin e Ligjit dhe Rendit për vitin 2025, të publikuar në raportin “The Global Safety Report 2026” të institutit ndërkombëtar Gallup.

Sipas të dhënave të raportit, Kosova ka marrë 90 pikë nga 100 të mundshme, duke ndarë vendin e pestë në renditjen evropiane me Danimarkën dhe Finlandën.

Para Kosovës renditen Islanda me 93 pikë, Zvicra, Lituania dhe Norvegjia me nga 91 pikë secila. Pas tyre, Kosova, Danimarka dhe Finlanda kanë nga 90 pikë.

Indeksi i Ligjit dhe Rendit i Gallup-it mat perceptimin e sigurisë dhe përvojat e qytetarëve përmes katër treguesve: ndjenja e sigurisë gjatë ecjes vetëm natën në zonën ku jetojnë, besimi në policinë lokale, përvoja e vjedhjes së pronës gjatë vitit të fundit dhe përvoja e sulmit apo grabitjes.

Përgjigjet pozitive në këta katër tregues përbëjnë rezultatin përfundimtar të indeksit, i cili vlerësohet nga 0 deri në 100 pikë. Rezultati më i lartë nënkupton nivel më të lartë të sigurisë së perceptuar dhe besimit në rendin dhe ligjin.

Raporti i vitit 2026 bazohet në anketa të realizuara gjatë vitit 2025 me 143.620 persona të moshës 15 vjeç e lart, në 140 shtete dhe territore.

Në nivel global, rezultati mesatar i Indeksit të Ligjit dhe Rendit ishte 80 pikë, ndërsa Kosova me 90 pikë qëndron dhjetë pikë mbi mesataren botërore.

Të dhënat e Gallup-it paraqesin perceptimet dhe përvojat e qytetarëve lidhur me sigurinë e përditshme, besimin në polici dhe përvojat me kriminalitetin.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

Instagram