Ka përfunduar me sukses aksioni për gjetjen e dy motoristëve që humbën dje në Jezercë.
Lajmi është konfirmuar në orët e para të së dielës, nga vetë Shoqata e Kosovës për Kërkim dhe Shpëtim, të cilët bëjnë me dije se kanë lokalizuar dhe janë tërhequr dy motoristët që humbën gjurmë ditën e djeshme.
Duke theksuar se aksioni u përmbyll me sukses, shoqata bën me dije se motoristët tashmë ndodhen të sigurt.
Operacioni u zhvillua në bashkëpunim me forcat e Policisë së Shtetit dhe ekipet shqiptare të kërkim-shpëtimit, të cilat punuan në kushte të vështira për shkak të relievit të thyer të zonës së Jezercës.
