Kryeministri SLLOVEN Janez Janša tha se Sllovenia nuk do ta mbështesë përparimin e mëtejshëm të Serbisë drejt anëtarësimit në BE derisa Beogradi të dorëzojë arkivat e ish-shërbimeve sekrete jugosllave që lidhen me Slloveninë. Ai e bëri deklaratën e tij në mediat sociale një ditë pas zgjedhjeve të Serbisë, ndërsa çështja e rrugës evropiane të vendit rihapet.
Edhe pse Komisionerja Evropiane për Zgjerim, Marta Kos, më parë deklaroi se “dera e BE-së është e hapur” për Serbinë, nga Sllovenia po vijnë mesazhe se vazhdimi i negociatave nuk do të jetë i mundur pa zgjidhur çështjet e hapura midis dy vendeve.
Kusht për përparim
Jansha mirëpriti mundësinë që autoritetet e reja serbe të përshpejtojnë negociatat për anëtarësim në Bashkimin Evropian, por në të njëjtën kohë vendosi një kusht të qartë.
“Nuk do të japim pëlqimin për asnjë përparim derisa Serbia t’ia dorëzojë Sllovenisë të gjitha arkivat e Udbës, SDV-së, JNA-së, ZSNZ-së dhe shërbimeve të tjera të mëparshme të RSFJ-së që lidhen me Slloveninë”, tha Jansha.
