Nën ombrellën e Forumit për Transparencë Parlamentare, të enjten, më 15 shtator 2022, Kuvendi i Republikës së Kosovës shënon Ditën Ndërkombëtare të Demokracisë.
Në orën 10:00 hapen dyert për të gjithë qytetarët që dëshirojnë të vizitojnë institucionin e tyre përfaqësues.
Në ceremoninë e hapjes, një fjalë rasti do të mbajë kryetari i Kuvendit, Glauk Konjufca. Po ashtu të pranishmëve do t’u adresohen edhe drejtorja e NDI-së për Kosovë, Nancy Soderberg dhe koordinatorja e Ekipit të Kombeve të Bashkuara në Kosovë (UNKT), Arnhild Spence.
Në kuadër të shënimit të kësaj dite do të mbahet edhe panairi i shoqërisë civile, garë shahu nga persona të verbër, debate dhe aktivitete të tjera që afirmojnë demokracinë.
Agjenda
10:00 Hapja e aktivitetit dhe e dyerve të Kuvendit
Fjalime:
- Glauk Konjufca, kryetar i Kuvendit,
Znj. Nancy Soderberg, drejtore e NDI-së për Kosovë,
Znj. Arnhild Spence – koordinatore e UNKT-së për Kosovë,
Vendi: Oborri i Kuvendit
10:00 Panairi i organizatave të shoqërisë civile
Vendi: Oborri i Kuvendit
10:00 Garë shahu nga persona të verbër
Vendi: Oborri i Kuvendit
14:00 Tryezë diskutimi me organizata të shoqërisë civile: Të ruhen dhe promovohen parimet e demokracisë
Vendi: Salla 506, Kuvendi i Kosovës
