Federata e Volejbollit të Kosovës do ta organizojë festivalin për fëmijët e shkollave të volejbollit, i cili është pjesë e projektit CEV School Project, të Federatës Evropiane të Volejbollit.
Në këtë festival pritet të marrin pjesë rreth 100 fëmijë nga shkollat e volejbollit Theranda, Vëllaznimi, Malisheva dhe Feronikeli.
Ky projekt ka për qëllim zhvillimin dhe masovizimin e volejbollit nëpër shkolla, derisa do të vazhdojë edhe nëpër qytetet tjera të Kosovës gjatë javëve në vijim. /Kosovatimes/
