Presidentja e Kosovës, Vjosa Osmani, po merr pjesë në funeralin shtetëror në Londër, me rastin e vdekjes së mbretëreshës Elizabeth II.
“Sot në Funeralin Shtetëror të Madhërisë së Saj, kujtojmë dhe nderojmë ndikimin që pati jeta e Mbretëreshës Elizabeth II, jo vetëm në Mbretërinë e Bashkuar, por në mbarë botën”, deklaroi osmani, e cila u nënshkrua edhe në librin e zisë.
Duke publikuar fotografi në llogarinë e saj në Facebook, presidentja u shpreh se- “dashuria, përkushtimi dhe bujaria, janë virtytet për të cilat do të kujtohet përherë! Pusho në paqe Mbretëreshë!”.
Në këtë funeral kanë marrë pjesë rreth 2 mijë personalitete nga e mbarë bota. /Kosovatimes/
