Shkruan: Agim BAJRAMI
Të bësh veprime të mençura dhe të urta është vlerë humane që i përket civilizimit njerëzor…
Të këmbëngulës në diçka që, Ti mendon se ke të drejtë, dhe nga e drejta e vlerësuar nga Ti ,të dëmtohen të tjerët, sidomos fëmijët, kjo nuk është as e drejtë dhe as çështje mençurie…
Por nuk është as mençuri, të këmbëngulë asnjëra palë, në të drejtën e vetë dhe sipas të vërtetës së vetë…
Secila çështje në botën në të cilën jetojmë e ka zgjidhjen e vetë, madje edhe më të mirë se sa ne nganjëherë e mendojmë…
Të ulën palët (mësimdhënësit) dhe Qeveria ,e të hulumtojnë zgjidhjen, duke i tejkaluar ngurtësitë e tyre deri në arritjen e zgjidhjes së përshtatshme duke pasur parasysh edhe interesin shtetëror dhe atij të përgjithshëm…
Modele ka nga më të ndryshmet në suazat e lejuar të buxhetit të shtetit.
Zgjidhja që ndoshta edhe mund të jetë e dobishme për palët;
– Qeveria t’i ofron palës GREVISTE në rastin e tanishëm, sektorit publik, garantimin ,se Ligji i pagës, do të jetë efektiv deri më 31 dhjetor të këtij viti, plus shtojcën, me 50€ e ndarë nga Qeveria, deri në fuqizimin e ligjit, në datën e lartë cekur.
– Pala greviste ,të ndal grevën që më së largu nga e Hëna e ardhshme, e ti kthehen mësimit nëpër shkolla…
– Të dyja palët të jenë fleksibile, në zgjidhjen e ofruar për hir të interesit të fëmijëve dhe të interesit shtetëror…
– Zgjidhja, gjithherë është e mundur, por vetëm duke treguar urtësi, qetësi, maturi dhe mençuri, në trajtimin e problemit të diskutueshëm nga palët…
Kjo është e mundur, por çështja kërkon qasjen e shëndoshë dhe qëllimmirë!
Uroj që zgjidhja të jetë e mundur!!!….
