Nuk do të ndalen. Kështu thotë Sindikata e arsimit. Partitë opozitare duke shfrytëzuar mungesën e dialogut social e shohin këtë si një mundësi që ta përmbysin qeverinë. Më të prekurit janë nxënësit, të cilët janë viktima të kësaj. Reagimi i parë ishte nga pensionistët të cilët kërkuan sa më parë të fillojë viti i ri shkollor. Të vetmit që prekin pragun e shkollës janë mësimdhënësit të cilët presin përgjigje nga qeveria. Ministrja e Arsimit, Arbërie Nagavci premton se me ligjin e ri për paga punëtorët e arsimit trajtohen dinjitetshëm. Këshillat e prindërve përgjatë tërë kohës së grevës qëndruan në një pozicion neutral, ndonëse duhet të bartit një përgjegjësi të madhe për fëmijët e tyre. Përgjatë këtyre 20 viteve, thesi i qeverisë ka qenë në funksion të asistencës sociale për lloj lloj kategorish. Të vetmin program qeveritë e deritashme që kanë pasur ka qenë ndarja e mjeteve buxhetore duke i keqpërdorë në mënyrë të skajshme. Është i çuditshëm fakti që asnjëherë nuk ngritët çështja e sigurimit social me të cilën garantohet sigurimi material dhe mbrojtja shëndetësore, ku milionat derdhen për shërim jashtë vendit. Nuk jam i sigurt si ka ardhur deri te vendimi i grevës, dhe mbi bazën e cilit arsyetim.
Kosova për vite të tëra rendit nga fundi në rezultatet e Programit për Vlerësimin Ndërkombëtar të Studentëve, PISA. Kjo zaten po reflekton edhe në tregun e punës. Nuk e di nëse Sindikata e di numrin e të papunëve në Kosovë. Por statistikat e punëkërkuesve duhet të shërbejë si një alarm për institucionet e vendit. Jo vetëm numrat por edhe kualifikimi I fuqisë punëtore që janë të evidencuar në regjistrat e punëkërkuesve. Gjatë tre mujorit të parë të këtij viti në regjistrat e punëkërkuesve janë 39.929 të pashkolluar, ndërsa me klasë të I-IX 17.422 punëkërkues. Afërisht dy të tretat e punëkërkuesve janë pa arsim profesional! Në krahasim me tremujorin e vitit të kaluar është shënuar një rënie edhe I kategorisë me arsim të mesëm profesional.
Gjatë vitit 2021 kanë emigruar emigruar 42 728 persona. As rritjet natyrore të popullsisë nuk po arrijnë të plotësojnë kategorinë e emigrimit. Popullsia rezidente e Kosovës, gjatë vitit të kaluar u zvogëlua për 24 215 banorë. Gjatë vitit 2021, popullsia e Kosovës pati një rritje natyrore për 14 391 persona. Paqen sociale ashtu sikurse edhe zhvillimin ekonomik më së shumti po e mbajnë remitencat. Pavarësisht që në tremujorin e parë të vitit 2022, vlera e remitencave nga jashtë vendit u zvogëluar me 0.61 për qind krahasuar me të njëjtën periudhë të vitit kaluar ku u regjistruan 241.4 milionë euro. Jeta vazhdon me kredi, veresi dhe remitenca. Rritja e të hyrave doganore është shtuar dhe mund të jetë edhe falë suksesit të luftës kundër ekonomisë gri. Megjithatë nëse krahasojmë shifrat e importit dhe eksportit , në gjuhën e shifrave eksporti mbulon importin me 15.2 për qind. Qeveria mbetet punëdhënësi më i madh me parat e taksapaguesve. Kualiteti i shërbimeve mbetet në rënie në mungesë të reformave në institucione. Punonjësit e sektorit privat vetëm në ëndërr mund të shohin përfaqësimin e tyre në realizimin e të drejtave të tyre sociale. Mjafton për tiu referuar këtyre të dhënave për të parë gjendjen reale në vend. Asnjë nga sektorët nuk e ka luksin për të bllokuar veprimtarinë e tyre marrë parasysh të hyrat që realizon buxheti i shtetit. Ekzekutivi duhet të merë më seriozisht zhvillimin ekonomik.
Ilir KRASNIQI
