By using this site, you agree to the Privacy Policy and Terms of Use.
Accept
Kosova TimesKosova Times
Notification Show More
Latest News
Doktor Hysni Aliu nga Finlanda me thirrje serioze për lidershipin kosovar për krijimin e institucioneve të reja
June 30, 2025
Serbia shtyn nënshkrimin e kontratës së gazit me Rusinë
June 30, 2025
Fuçia e barutit në Kaukazin e Jugut
June 30, 2025
Konflikti midis Azerbajxhanit dhe Rusisë
June 30, 2025
Ministria e Jashtme ruse njofton bllokimin e 15 mediave evropiane në përgjigje të sanksioneve
June 30, 2025
Aa
  • Ballina
  • Politikë
    • Lajme
    • Tema
    • Gjeopolitikë
    • Opinion
  • Rajon / Botë
  • Ekonomi
    • Lajme
    • Tema
    • Financa
    • Turizëm
    • Bujqësi
  • Kulturë
    • Lajme
    • ShowBiz
    • Moda
  • Shëndetësi
  • Sport
  • Hi-tech
    • Teknologji
    • Shkencë
Reading: Marzha tregtare pa efekte në Maqedoninë e Veriut
Share
Aa
Kosova TimesKosova Times
Search
  • Home
    • Home News
    • Home 2
    • Home 3
    • Home 4
    • Home 5
  • Categories
  • Bookmarks
    • Customize Interests
    • My Bookmarks
  • More Foxiz
    • Blog Index
    • Sitemap
Have an existing account? Sign In
Follow US
Kosova Times > Blog > Rajon / Botë > Marzha tregtare pa efekte në Maqedoninë e Veriut
Rajon / Botë

Marzha tregtare pa efekte në Maqedoninë e Veriut

Kosova Times
Last updated: 2022/09/24 at 6:56 PM
Kosova Times Published September 24, 2022
Share
SHARE

Vala e shtrenjtimit të produkteve ushqimore në Maqedoninë e Veriut nuk ka të ndalur pavarësisht masave të Qeverisë për mbrojtjen e qytetarëve, të cilët ankohen se me të ardhurat që marrin nuk po arrijnë t’i sigurojnë as produktet bazë të konsumit.

Qeveria ka vazhduar deri në fund të vitit masat që kryesisht kanë të bëjnë me marzhën tregtare të fitimit për bukën, sheqerin dhe vajin e lulediellit në 5 për qind në tregtinë me shumicë dhe pakicë. Për vezët, miellin, produktet e miellit, orizin dhe qumështin, ajo do të jetë 10 për qind.

Kjo masë që kishte hyrë në fuqi më 15 qershor, nuk ka arritur të parandalojë rritjen e çmimeve.

Qumështi nga 60 denarë (1 euro) për litër që shitej para vendosjes së marzhës, tani ka arritur në 85 denarë (1.40 euro), kurse buka nga 30 denarë (50 centë) tani shitet me 50 deri 60 denarë (prej 0.80 deri 1 euro).

Disa qytetarë thonë për Radion Evropa e Lirë, se rritja e çmimeve dhe pagat e ulëta, po e bëjnë shumë të vështirë jetën e tyre.

“Blejmë ato gjërat ushqimore që janë më kryesore, por çmimet po rriten, për ato produkte me të cilat njeriu ekziston. Ato të paktën të uleshin që të zbutet sadopak gjendja pasi papunësia është e madhe, mos pyet për ne”, thotë Mensur Hoda, punonjës në transportin publik.

“Çmimet do të vazhdojnë të rriten, nuk do të kenë të ndalur. Gjithë paratë po i harxhojmë vetëm për ushqime, edhe atë për produktet ushqimore, pasi për gjërat tjera as që mendojmë”, thotë Vesna, pensioniste.

“Rritja e çmimeve po shihet, por mendoj se Qeveria i ka fajet, ajo duhet ta shohë nëse populli mundet t’ia dalë në fund me këto të ardhura. Ka njerëz që marrin 6.000 denarë (100 euro). Çfarë do të bëjmë me këto të ardhura?. Kemi rritje të rrymës, ujit, ushqimi është shtrenjtuar shumë”, thotë Ahmet Selimi, i punësuar në sektorin e ndërtimtarisë.

Shoqata e Konsumatorëve thotë se në adresë të saj çdo ditë arrijnë ankesa të shumta nga qytetarët për rritje çmimesh.

“Çmimet e produkteve ushqimore bazë formohen duke kufizuar marzhën tregtare. Por, njerëzit nuk e ndiejnë, çdo ditë ka rritje çmimesh që kanë arritur tavanin. Njerëzit kërkojnë masa urgjente pasi nëse vazhdon kështu, atëherë do të rëndohet edhe më shumë jeta e njerëzve. Qeveria duhet të ndërmarrë masa serioze pasi shumë produkte ushqimore janë më të shtrenjta se në vendet evropiane”, thotë Marija Lonçar, drejtuese e Shoqatës së Konsumatorëve.

Nga Qeveria thonë se janë në kontakt të vazhdueshëm me të gjitha palët e interesuara dhe në këtë kuadër, paralajmërojnë zgjerimin e listës së produkteve ushqimore që do të përfshihen në marzhën tregtare, por nuk e komentojnë rritjen e çmimeve pavarësisht masave të ndërmarra.

Abil Baush, njohës i çështjeve të ekonomisë, thotë për Radion Evropa e Lirë se qeveria ka gabuar me marzhën tregtare pasi nuk dha asnjë rezultat, përkundrazi, sipas tij, kemi përkeqësim të mëtejmë të gjendjes ekonomike.

“Që në fillim kemi thënë se marzha është një masë jo favorizuese si masë ekonomike. Efekti i saj është afatshkurtër dhe kur kalon një periudhë afatmesme që tani edhe e kemi, jep efektet e saj negative. Disa biznese për arsye të përfitimeve të tyre nuk fillojnë të importojnë mallra që kanë marzhën e vogël dhe në mungesë apo në mosarritje të kësaj, ndodh që në tregjet tona të fillojë të paraqitet mungesë e disa produkteve. Me mungesën e këtyre mallrave fillon rritja e çmimeve. Një pjesë e bizneseve marzhën e përdor edhe për kalkulime”, thotë ai.

Ai thotë se vendosja e marzhës jo që nuk dha rezultate, por po e pengon uljen e disa produkteve ushqimore bazë, andaj thotë se do të ishte më mirë që bizneset vetë të rregullojnë çmimet sipas kërkesës së tregut.

“Në disa shtete evropiane, disa produkte, sidomos ato të bukës dhe drithërave kanë filluar të shënojnë ulje të çmimeve. Kurse, te ne, për shkak të marzhës çmimet nuk lëvizin pasi institucionet ekonomike financiare kanë vendosur një limit që po gjeneron të ardhura për bizneset, por jo edhe për qytetarët që po paguajnë çmime të larta”, thekson Abil Baush, njohës i çështjeve të ekonomisë.

Shporta e konsumit për një familje katër anëtarëshe një vit më parë ishte 34.000 denarë (550 euro), ndërsa në muajin gusht të këtij viti ajo ka arritur në 42 mijë denarë, por nëse i shtohet edhe inflacioni prej mbi 10 për qind, atëherë shporta arrin në 48 mijë denarë.

Paga mesatare në Maqedoninë e Veriut arrin në 31.000 denarë apo 520 euro, ndërsa paga mesatare në 18.000 denarë apo rreth 300 euro.

You Might Also Like

Serbia shtyn nënshkrimin e kontratës së gazit me Rusinë

Konflikti midis Azerbajxhanit dhe Rusisë

Ministria e Jashtme ruse njofton bllokimin e 15 mediave evropiane në përgjigje të sanksioneve

Llogaritë e të famshmes Isinbayeva u bllokuan, ajo më parë kishte hequr dorë nga ushtria ruse dhe Putini

Më shumë se 50,000 njerëz u evakuuan në Turqi për shkak të zjarrit

Kosova Times September 24, 2022
Share this Article
Facebook Twitter Email Print
Leave a comment

Leave a Reply

Your email address will not be published. Required fields are marked *

Follow US

Find US on Social Medias
Facebook Like
Twitter Follow
Youtube Subscribe
Telegram Follow

Weekly Newsletter

Subscribe to our newsletter to get our newest articles instantly!

[mc4wp_form]
Popular News
Ballina 2Rajon / Botë

Si do të ndikojë shpërbërja e kabinetit izraelit të luftës në përpjekjet për armëpushim?

Kosova Times Kosova Times June 18, 2024
Lancaster: Viti 2023 solli konfrontime të dhunshme në veri të Kosovës
Peshk i pjekur grek
Receta për gulash me kepurdha: Një pjatë e thjeshtë dhe aq aromatike pylli
Haxhiu e Shala biseduan për rastet e dhunës në familje
- Advertisement -
Ad imageAd image
Global Coronavirus Cases

Confirmed

0

Death

0

More Information:Covid-19 Statistics

Kategoritë

  • Politikë
  • Rajon / Botë
  • Ekonomi
  • Kulturë
  • Shëndetësi
  • Sport
  • Hi - tech

About US

Kosova Times We influence 20 million users and is the number one business and technology news network on the planet.

Subscribe US

Subscribe to our newsletter to get our newest articles instantly!

[mc4wp_form]

© Kosova Times. All Rights Reserved.

Removed from reading list

Undo
Welcome Back!

Sign in to your account

Lost your password?