Shkruan: Agim BAJRAMI
Kur i vuajturi, i shtypuri, nuk e kupton lirinë si përgjegjësi, shndërrohet në “tirani të tmerrshme” ndaj tjetrit. Atëherë kur arkëtimi mbaron, zbulohet e vërteta.
Shoqëria kosovare është në të vërtetën e tyre të shthurur, dhe shuarja e asaj si shoqëri vije kur në ta, mendja ju thotë vetëm paranë, seksin, egoizmin, lakminë për vetën, e kur në ta është e përjashtuar nga vetja e tyre: bujaria, dashuria për të mirën e përgjithshme shoqërore, botën që e rrethon, ambientin, e për të tjerët në përgjithësi, apo sakrifikimi për të mirën e përgjithshme. Dhe për ata/ato që kanë më së shumti nevojë si; fëmijët, invalidët, të sëmurit, të moshuarit, është mizoria e shoqërisë e atyre të cilët nuk tregojnë, ndjesinë më të vogël për të tjerët në nevojë.
Këto vlera njerëzore, nuk ekzistojnë në shoqërinë kosovare, e as në shtresën e shoqërisë, që do të duhej të ishte më e drejta, më e avancuara ndaj progresit të përgjithshëm shoqëror, më humania, më mendje ndritura, më sakrifikuesja për dobishmërinë njerëzore…
Dhe kjo shtresa e shoqërisë kosovare, siç është ‘mësimdhënia kosovare’, është më manipulantja, më sabotuesja, më regresive, ndaj së mirës shoqërore, dhe është virusi i të keqes njerëzore dhe shoqërisë kosovare, kur fëmijët dhe arsimimin e tyre, i përdorin si mjetin për sulm ndaj të mirës së përgjithshme, kur deri dje, ‘kësaj jo vlere’, i thurej lavde për të mirë, nga jo e mira e tyre…. për jo cilësi arsimore, e sakatosje të fëmijëve dhe ardhmërisë së tyre… Le të na kujtohen për një çast pamjet të cilat edhe mund të përsëritën(thuhet historia është përsëritje e ngjarjeve),pamjet e skenave të tmerrshme, kur Serbia i dëboj masat e gjëra të popullatës civile nga shtëpitë e tyre, në lloçin e Çegranit, malet e Kosovës, nëpër të ftohtë dhe shi, borë, opinioni i civilizuar gjerman dhe perëndimi në përgjithësi, u alarmuan nga gjendja e kushteve në të cilat gjendeshin, e sidomos, fëmijët, të moshuarit, të sëmurit, invalidët…Civilizimi i vlerave njerëzore perëndimore, u alarmua nga gjendja e tillë e mjerueshme e popullatës civile, kur me shpejtësi, bashkësia ndërkombëtare u mobilizua, dhe me angazhimin e tyre human për të shpëtuar nga vdekja mizore, ‘tiranët e sotëm’, e duke e rrezikuar lirinë e tyre, për ti shpëtuar nga vdekja, të shtypurit/vuajtësit e djeshëm, ndërsa sot, u bënë, egërsirë, të pandjeshëm ndaj fëmijëve, e kategorive tjera shoqërore, për plotësimin e egos së tyre të ultë, e jo të drejtë, dhe me pa mundësi në realizimin e egove shtazarake të tyre për nga limitet buxhetore…
Kur sot, të shtypurit e djeshëm, mësuesit e sotëm në liri, po i privojnë fëmijët/nxënësit e tyre, nga e drejta e shkollimit, dhe nxënësit përdoren si mjet për sulmin ndaj institucioneve shtetërore, dhe zyrtarëve të tyre për egon e ultë të tyre, e qëllimeve të te tjerëve, për minimin e vlerave demokratike e shoqërore për të nesërmen e shoqërisë në përgjithësi…Thuhet ne fjalët e urta, kur i shtypuri, nuk e kupton lirinë e vetë si përgjegjësi, ai shndërrohet ‘tiranin’ më të egër ndaj tjetrit…
Sot ‘tirania dhe e keqja’ është brenda vetë shoqërisë kosovare.
