Në vendbanimin Buça Potok të Sarajevës, pasditen e së shtunës ka ndodhur një dramë e vërtetë kur një person i ka vënë flakën tjetrit.
Siç konfirmohet për Klix nga MPB-ja, një person ka marrë lëndime të rënda dhe eshte në rrezik për jetën, ndërsa autori është larguar nga vendi i krimit dhe ende është në kërkim.
“Për çdo gjë është njoftuar prokurori kujdestar, ndërsa policia ende është në kërkim të të dyshuarit i cili akuzohet për veprën penale ‘vrasje në tentativë’”, kanë thënë nga MPB-ja e KS-së.
Mësohet se djali i ka vënë flakën babait dhe më pas është larguar me vrap, ndërsa viktima ka pësuar lëndime të rënda fizike në formë djegie në 75 për qind të trupit.
Gjithashtu, autori është një person tashmë i njohur për policinë, ndërsa viktima është transferuar në repartin e kirurgjisë plastike në QKUS, ku mjekët po luftojnë për jetën e tij. /Kosovatimes/
