Në ShFMU “Tefik Çanga” në Ferizaj u mbajt turneu TOP 8 për grupmoshat U15 ku tetë më të mirët e Kosovës në këtë kategori u ndeshën secili me secilin për të shpallur në fund fituesit e këtij turneu. U zhvilluan ndeshje shumë interesante, me rivalitet dhe momente dramatike ku fituesit nuk diheshin deri në poenët e fundit.
Në kategorinë e femrave, talentja nga klubi i Prizrenit “Kpp Lidhja e Prizrenit F” Taibe Ruli me plotë meritë dhe dominim total arriti të shpallet kampione duke i fituar të gjitha ndeshjet e këtij turneu. Paraqitje të mirë treguan edhe Maxhire Sojeva (5 fitore dhe 2 humbje) si dhe Ajola Behluli (5 fitore dhe 2 humbje) që të dyja anëtare të klubit nga Ferizaji “Kpp Ahmet Hoxha MK”.
Në kategorinë e meshkujve gara ishte edhe më interesante ku fituesi nuk dihej deri në ndeshjen e fundit ku u ndeshën dy pretendentët Arti Karabaxhaku (Kpp Shkolla Prizreni) dhe Erjon Reka (Kpp Ahmet Hoxha MK) të cilën e fitoi Arti Karabaxhaku me rezultat të ngushtë 3-2 dhe kështu për tu shpallur kampion në kategorinë e meshkujve me 6 fitore dhe vetëm 1 humbje. Poashtu edhe Adriatik Maloku (Kpp Gani Maloku) pati paraqitje të mirë i cili shënoi 5 fitore dhe 2 humbje duke u radhitur kështu në vendin e tretë.
Radhitja finale:
Meshkujt
1 Arti Karabaxhaku (Kpp Shkolla Prizreni)
2 Erjon Reka (Kpp Ahmet Hoxha MK)
3 Adriatik Maloku (Kpp Gani Maloku)
4 Eren Kaqaniku (Kpp Lidhja e Prizrenit)
5 Anes Behluli (Kpp Ahmet Hoxha)
6 Gent Bardiqi (Kpp Vushtrria)
7 Elton Shemsiu (Kpp Gani Maloku)
8 Endri Reka (Kpp Ahmet Hoxha)
Femrat
1 Taibe Ruli (Kpp Lidhja e Prizrenit F )
2 Maxhire Sojeva (Kpp Ahmet Hoxha MK)
3 Ajola Behluli (Kpp Ahmet Hoxha MK)
4 Elsa Behluli (Kpp Ahmet Hoxha MK)
5 Tana Çitaku (Kpp Prishtina F)
6 Jona Hashani (Kpp Ahmet Hoxha F)
7 Elsa Hajrullahu (Kpp Ahmet Hoxha MK)
8 Donika Dema (Kpp Peja) /Kosovatimes/
