Shoqata e Gazetarëve Sportivë të Kosovës, e prirë nga presidenti Edmond Thaçi dhe anëtari i Bordit Ejup Llumnica, do të marrin pjesë në punimet e Kongresit të 84-të, të Asociacionit të Gazetarëve Sportivë të Botës (AIPS).
Ky kongres do të mbahet në Romë të Italisë, nga data 3-6 tetor 2022.
Në kongres, krahas Kuvendit të Punës, do të jetë edhe Kongres Zgjedhor, ku do të zgjidhen organet e reja në AIPS Evropë dhe Botë.
Kosova tashmë është e pranuar në AIPS-a nga viti 2016, andaj do të ketë të drejtë vote për organet e reja udhëheqëse.
Delegacioni kosovar, gjatë punimeve të Kongresit në Romë, ka aranzhuar edhe shumë takime, me qëllim të vazhdimit të bashkëpunimit me shumë shoqata të ndryshme evropiane dhe botërore, e që do të jenë në interes të komunitetit tonë. /Kosovatimes/
