Kombinati metalurgjik Trepça, ishte një prej ndërmarrjeve më të mëdha jo vetëm në Kosovë, por edhe në ish-Jugosllavi. Kjo ndërmarrje ishte shtylla kryesore industriale e ekonomisë së Kosovës.
Produktet kryesore, të cilat i prodhon Trepça janë: koncentrati i plumbit dhe zinkut me përmbajtje të argjendit, arit dhe elementeve tjera.
Sipas të dhënave zyrtare nga minierat e Trepçës nga viti 1945 e deri në periudhën para vitit 1990, nxirreshin rreth 600 mijë tonë xehe në vit. Krahasuar me atë kohë, kapacitetet prodhuese aktuale janë shumë më të vogla – jo më shumë se 200 mijë tonë xehe në vit.
Trepça brenda Kosovës përbëhet prej 41 njësive të ndryshme, që grupohen kryesisht në tri komplekse të mëdha: në miniera me flotacione, në Parkun industrial në Mitrovicë dhe në Kompleksin e shkritoreve.
Por, një pjesë e madhe e këtyre kapaciteteve janë të degraduara, për shkak të mungesës së mirëmbajtjes ose mungesës së investimeve.
Fotoreporteri i Radios Evropa e Lirë, Bujar Tërstena, sjell fotografi të realizuara në Minierën e Stantërgut dhe në Parkun industrial të ndërmarrjes Trepça.
Makineri e vjetruar dhe jashtë funksionit e Metalurgjisë së zinkut.
Parku industrial i kombinatit Trepça në Mitrovicë.
Metalurgjia e zinkut në Mitrovicë, e cila nisi punën në vitin 1967.
Objekt jashtë funksionit në parkun industrial në Mitrovicë.
Një trafo e energjisë elektrike, e cila është jashtë funksionit në Metalurgjinë e zinkut.
Objekt jashtë funksionit në Parkun industrial në Mitrovicë.
Makineri e ndryshkur në Parkun industrial në Mitrovicë.
Makineri e degraduar nga mungesa e mirëmbajtjes. Parku industrial në Mitrovicë.
Uji ka mbuluar makineri, të cilat tashmë janë jashtë funksionit. Parku industrial në Mitrovicë.
Aktivizues i alarmit në Parkun industrial.
Makineri mbi 50 vjet e vjetër në oborrin e Parkut industrial.
Hyrja në Minierën e Stantërgut, mesazhin ‘Me Fat’ e sheh çdo minator që hyn në minierë.
Një punëtor brenda Minierës së Stantërgut, i cili mban evidencën e hyrjeve dhe daljeve të minatorëve. Foto e realizuar në vitin 2017.
Një minator në Minierën e Stantërgut, vendburimi kryesor i nxjerrjes së xehes. Foto e realizuar në vitin 2017.
Pajisje të vjetruara për eksploatim të xehes. Miniera e Stantërgut, horizonti 10. (Foto e realizuar në vitin 2017).
Minatorët duke dalë nga Miniera e Stantërgut.
Tre minatorë pas daljes nga horizonti 10 i Minierës së Stantërgut.
Tabelë e vendosur në njërin nga vagonët e minierës në Stantërg. Në të shkruhet: Fabrika e Pajimeve të Procesit, viti 1984.
