Serbia nuk vendos sanksione ndaj Rusisë, ndaj nuk duhet të përfitojë nga derogimi. Vendet e tjera anëtare të BE-së u pajtuan me këtë qëndrim – tha një burim diplomatik i cili ishte i përfshirë në diskutimet për paketën e re të sanksioneve, shkruan Kosovatimes.
Vendet e Bashkimit Evropian votuan për paketën e tetë të sanksioneve kundër Rusisë, të cilat përfshijnë kufizimin e çmimeve të naftës ruse të eksportuara nga vendet e treta. Pas miratimit të këtij vendimi, Serbia nuk do të mund të importojë naftë nga Rusia përmes Janaf-it, që do të thotë se sanksionet e vendosura ndaj Moskës praktikisht u bartën edhe në Serbi.
Propozimi fillestar i Komisionit Evropian parashikonte një përjashtim kur bëhet fjalë për furnizimin nga gazsjellësi i Adriatikut, por me insistimin e disa vendeve anëtare të BE-së, ai propozim u refuzua, sepse qëndrimi është se nuk ka arsyetim që Serbia të përjashtohet. .
Serbia nuk vendos sanksione ndaj Rusisë, ndaj nuk duhet të përfitojë nga derogimi. Me këtë qëndrim janë pajtuar edhe shtetet e tjera anëtare të BE-së – tha një burim diplomatik i cili ishte i përfshirë në diskutimet për pakon e re të sanksioneve, transmeton Radio Evropa e Lirë.
Ky vendim, sipas mediave të regjimit, ka tronditur kreun e shtetit serb, Aleksandar Vuçiq, i cili beson, siç thuhet, se Kroacia është më përgjegjëse për bllokadën e vendosur ndaj Serbisë. Sipas njoftimeve, Vuçiq duhet të bëjë një njoftim me këtë rast, dhe arsyeja kryesore pse presidenti serb është i pakënaqur me vendimin e BE-së është se, siç u theksua, Bullgaria, ku vepron Lukoil rus, ka marrë pozitë të privilegjuar, dmth. një përjashtim.
Kryeministrja e Serbisë , Ana Brnabiq , duke folur për vendosjen e sanksioneve ndaj Serbisë, tha se ky vendim ka ndryshuar gjithçka.
“Kam thënë se presidenti do të jetë nën presion të madh, sot pas këtij vendimi të turpshëm të Bashkimit Evropian, Vuçiq do t’i përgjigjet ashpër sanksioneve që nguli këmbë Kroacia. Që përjashtojnë disa anëtarë të Unionit nga pakoja e sanksioneve, por që ia bëjnë Serbisë me kërkesë të qartë të Kroacisë. Nga xhepat e vendit tonë po dalin qindra milionë euro”, tha Ana Brnabić në TV Happy. /Kosovatimes/
