Kryetari i Federatës së Futbollit të Kosovës, Agim Ademi, i shoqëruar nga selektori Alain Giresse janë duke qëndruar në Frankfurt të Gjermanisë.
Arsyeja e kësaj vizite është se nesër do të tërhiqet shorti për kualifikimet në Euro 2024.
Ademi theksoi se pret fat në këtë cikël të kualifikimeve, derisa thotë se synimi do të jetë pjesëmarrja në Evropian.
“Me përzgjedhësin Alain Giresse në prag të shortit për kualifikimet për Euro 2024, që do të tërhiqet, të dielën, në mesditë në Frankfurt. Uroj që të kemi fat në short dhe një cikël të suksesshëm në këto kualifikime për të realizuar synimin e madh – pjesëmarrjen në Evropian”, ka shkruar Ademi.
Shorti do të tërhiqet nesër me fillim nga ora 12:00.
