Ushtari i kthyer ishte pjesë e ekipit të inteligjencës. Kështu njoftojnë mediat në Kroaci sipas së cilave pjesëtari i Forcave të Armatosura të Kroacisë është kthyer nga misioni i KFOR-it të NATO-s në Kosovë për shkak të mos respektimit të disiplinës dhe do të sillet para gjykatës ushtarake. Siç raporton televizioni N1 i Zagrebit, ushtari duhet të dënohet ende, sepse ai do të duhet të shpjegojë veprimet e tij, të cilat nuk tolerohen nga NATO apo Shtabi Kryesor i HV, përpara një gjykate disiplinore ushtarake.
Shefi i Shtabit të Përgjithshëm të Forcave të Armatosura të Republikës së Kosovës me komandën e tij ka ndërprerë përkohësisht pjesëmarrjen e një pjesëtari të HRVCON-it të 37-të në operacionin e NATO-s për mbështetjen e paqes KFOR-it në Republikën e Kosovës për shkak të dyshimit për shkelje e disiplinës ushtarake. Ushtari u kthye në Kroaci me transport ajror komercial – konfirmoi Ministria e Mbrojtjes për Dnevnik Hrvatske Nova TV.
Për arsyet për të cilat është kërkuar tërheqja e menjëhershme e ushtarëve vetëm një muaj e gjysmë para përfundimit të misionit, të gjithë janë të rezervuar, por pretendojnë se shkak ka qenë procedura disiplinore. Thuhet se ushtari i kthyer ka qenë pjesë e një ekipi të zbulimit dhe ky ka qenë misioni i tij i parë. /Kosovatimes/
