Javë më parë, gazetari Arben Ahmeti, njëherit drejtori i Kanal10 ishte arrestuar nën dyshimet për dhunë në familje.
Ahmeti ishte ndaluar për 48 orë me vendim të Prokurorit, nën dyshimin për dhunë ndaj bashkëshortes së tij, pas një konflikti verbal.
Ndërkaq, sot Avokati Tomë Gashi ka njoftuar që lidhur me këtë rast gjykata ka vendosur në favor Valentina Ahmetit, gruas së gazetarit Arben Ahmeti.
Nëpërmjet një postimi në Facebook, Gashi ka shkruar se kur klienti është i sinqertë, rasti fitohet lehtë dhe gjykata vendos drejt.
“Kur klienti është i sinqerte, rasti fitohet lehtë, sepse Gjykata vendos drejtë”, ka shkruar Gashi në Facebook në mbishkrimin e fotografisë ku shihet bashkë me Valentina Ahmetin.
Pas kësaj senace, Gashi ka njoftuar se sot është marr vendimi në favor të klientes së tij.
“Dhe sot kemi marre vendimin me të cilin rasti është vendos nga gjykata në favor të Valentines dhe është lëshuar urdheri mbrojëts kundër bashkëshortit të saj Arben Ahmetit, i cili është drejtor i tv kanal 10”,ka potencuar ai.
Sipas Gashit, urdhri mbrojtës kundër Arben Ahmetit është lëshuar për 12 muaj. /Kosovatimes/
