“…pata një bisedë produktive me presidentin serb Aleksandar Vuçiq. Diskutuam rëndësinë e partneritetit tonë dypalësh dhe përkushtimin e vazhdueshëm të Serbisë për integrimin evropian dhe paqen dhe stabilitetin rajonal”, shkroi sekretari amerikan i shtetit Anthony Blinken.
Më herët në mbrëmje, shërbimi për shtyp i Presidentit të Serbisë njoftoi se Blinken e ka njoftuar Vuçiqin për domosdoshmërinë e arritjes së shpejtë të marrëveshjes me Prishtinën dhe presidenti Vuçiq ia ka prezantuar qëndrimet e Serbisë Sekretarit të Shtetit amerikan.
Vuçiq dhe Blinken diskutuan për tri tema kryesore – Kosovën dhe Metohinë dhe dëshirën e administratës amerikane për të arritur një zgjidhje sa më të shpejtë, pastaj marrëdhëniet e Serbisë me Rusinë dhe diversifikimin e burimeve energjetike të vendit tonë, njoftuan nga zyra e presidentit.
Sekretari amerikan i Shtetit ka biseduar sonte edhe me kryeministrin e Kosovës, Aljbin Kurti.
“Kam pasur një bisedë të mirë sot me kryeministrin e Kosovës, Albin Kurti. Diskutuam rëndësinë e partneritetit tonë dypalësh dhe përpjekjet e Kosovës drejt integrimeve evropiane dhe euroatlantike. E falënderova edhe për mbështetjen e palëkundur të Kosovës ndaj Ukrainës”, ka shkruar Blinken në Twitter. /Kosovatimes/
