Kosova është në koordinim të plotë me Shtetet e Bashkuara të Amerikës, në raport me adresimin e çështjeve prioritare. Kështu ka deklaruar presidentja e Kosovës, Vjosa Osmani, gjatë një takimi të rregullt me ambasadorin e ShBA-ve, Jeffrey Hovenier.
Sipas njoftimit për medie, me ambasadorin Hovenier, presidentja Osmani ka diskutuar për zhvillimet aktuale në vend e rajon.
Në takim u diskutua edhe për dialogun me Serbinë dhe përpjekjet e shteteve aleate për dinamizim të tij. Presidentja Osmani, sipas njoftimit për medie, ka thënë se “dialogu duhet të përmbyllet me njohje të ndërsjellë dhe pa prekur rendin kushtetues, integritetin territorial, sovranitetin dhe funksionalitetin e vendit”.
