Kryetari i Partisë Demokratike e Kosovës (PDK), Melmi Krasniqi, tha se sot në panelin e organizuar për herë të parë në Kosovë nga Forumi Liberal Evropian (ELF), me temën “Integrimi i Kosovës në BE: vlerat liberale dhe perspektivat e ardhshme”, ka ritheksuar se është padrejtësi e madhe që qytetarëve të Kosovës të vazhdojë t’u mohohet lëvizja e lirë në shtetet e Zonës Schengen.
Krasniqi, në një postim në Facebook, ka shkruar se momentumi aktual kërkon jo vetëm liberalizimin e vizave të vonuara për Kosovën, por duhet të shërbejë edhe si shtysë për dhënien e shpejtë Republikës së Kosovës të statusit zyrtar të vendit kandidat për anëtarësim në BE.
“Sepse, Kosova nuk ka të ardhme tjëtër, veçse në Evropë!”, thotë ai.
“Liria dhe pavarësia e vendit tonë, ndër të tjera, është edhe triumf ndërkombëtar i vlerave thelbësore liberale, andaj kjo është arsyeja që Partia Demokratike e Kosovës, si parti shtetformuese dhe shtetndërtuese, i është bashkuar familjes së madhe të partive që përqafojnë këto vlera”, ka shkruar Krasniqi.
