Korporata Energjetike e Kosovës ka njoftuar se Blloku A4 i Termocentralit Kosova A do të ndalet sonte me qëllim të sanimit të rrjedhjeve që janë paraqitur në kalldaj.
Sipas KEK, rikthimi i kësaj njësie në operim pritet të bëhet për 4 ose 5 ditë.
“Korporata Energjetike e Kosovës njofton opinionin se sonte, dt. 15.10.2022, në ora 24:00 njësia A-4 planifikohet për ndalje me qëllim të sanimit të rrjedhjeve të paraqitura në kalldaj. Bazuar në praktikat e mëhershme, rikthimi i njësisë në operim pritet të bëhet brenda afatit 4-5 ditorë. Lidhur me këtë, KEK me kohë ka njoftuar furnizuesin publik dhe kjo njësi nuk është nominuar për nesër dt: 16.10.2022”, thuhet në njoftim. /Kosovatimes/
