Në mëngjesin e 16 tetorit, ndërtesa e administratës së qytetit u granatua në Donetsk.
Sipas autoriteteve të të ashtuquajturës “DPR”, godina u vu nën zjarr nga pala ukrainase nga instalimet e HIMARS.
Sipas të dhënave paraprake janë plagosur dy civilë.
Pala ukrainase nuk e ka komentuar ende informacionin rreth bombardimeve.
Më 30 shtator, presidenti rus Vladimir Putin njoftoi aneksimin e rajoneve Kherson, Zaporozhye, Donetsk dhe Luhansk të Ukrainës, shumica e të cilave janë të pushtuara nga trupat ruse.
Shumë vende të botës kanë deklaruar tashmë se nuk e njohin aneksimin. Ukraina ka deklaruar se do të luftojë me forcën e armëve për kthimin e territoreve të pushtuara nën kontrollin e saj. /Kosovatimes/
